Ақтауда ХҚҚО қызметкерлері кәсіпкерлерге 725 қызмет түрін көрсетті

8 Қыркүйек, 2015 10:17

Маңғыстау облысының кәсіпкерлерге қызмет көрсету орталығында 2015 жылдың сәуір айынан бастап шағын және орта бизнес саласындағы кәсіпкерлерге Халыққа қызмет көрсету орталығының 700-ден астам әр түрлі қызметтері көрсетілді, деп хабарлады «Даму» қоры.

Ақтау қаласының кәсіпкерлеріне қызмет көрсету тиімділігін арттыру мақсатында жыл басында «Даму» қорының Маңғыстау облыстық филиалы мен Маңғыстау облыстық Халыққа қызмет көрсету орталығы (Одан әрі - ХҚКО) арасында ынтымақтастық туралы меморандумға қол қойылған болатын. Келісім бойынша, ХҚКО маманы «Даму» қорының филиалы жанындағы Кәсіпкерлерге қызмет көрсету орталығында (одан әрі - Орталық) кәсіпкерлерге арналған барлық қызмет түрлерін, оның ішінде: заңды тұлғаларды, кепілзат шарттарын тіркеу, электронды қолтаңба, түрлі сертификаттар алу, құжаттарды, мүлікті рәсімдеу, рұқсат қағаздарын дайындау және басқа көптеген қызметтер.

«Орталыққа келген Ақтау қаласының кәсіпкерлері, ХҚКО қызметтерін оңтайлы пайдалануда. Сол себепті біздің орталықта 28 тамызға дейін 725 қызмет көрсетілді. Клиенттер саны күн сайын артып келеді» - дейді Орталық үйлестірушісі Ермаханбетова Жанар.

Кәсіпкерлер үшін, ХҚКО кәсіпкерлерге қызмет көрсету орталығында болғаны өте ыңғайлы. Мұндай қызметтер кәсіпкерлердің уақытын үнемдеп, әрбір кәсіпкерге жеке көзқарасты қалыптастырады. Келушілердің ыңғайы үшін банк терминалы жұмыс істейді.

Барлық жаңалықтар