Мотожарысқа қатысушылар Өскемен тұрғындарына патриоттық туды тарту етті

Естеріңізге сала кетейік жарысты Қазақстанның географиялық қоғамының президенті және Қазақстан байкерлер қауымдастығы президенті, дүниежүзіне танымал байкер-жиһанкез   Дмитрий Петрухиннің бастамасымен ҚР Мәдениет және спорт министрлігі ұйымдастырды. .

Мотожарысқа қатысшыларды Оқушылар шығармашылы үйінің алдында қарсы алды, дәл сол жерде патриотттық туды тарту ету рәсімі өткізілді. Өскемен қаласының әкімі Темірбек Қасымжанов туды Д. Петрухиннің қолынан алды.

Айта кетерлік жайт, Қазақ хандығының 550 жылдығына арналған мотожарыс  Қазақстанның тамыры тереңге жайылған тарихына көрсетілген құрмет. Айтулы шараға арналған бұл жарыс ата-бабаларымыз жүріп өткен жолдың ізімен өткізілді. Мотожарыс барлық облыстарды қамтып, 45 күнге созылатын болады. Мотожарысқа Алматы қаласында бастау беріліп, Қарағанды, Теміртау мен Өскемен қалаларын жүріп өтті. Енді Семей, Павлодар, Астана, Көкшетау, Қостанай, Ақтөбе, Арал, Байқоңыр, Қызылорда, Түркістан, Шымкент пен Тараз бағыты бойынша жүріп өтеді.