ҚР ҰЭМ бюджет заңнамасын жетілдіреді

«Заң жобасы Елбасы ұсынған Ұлт жоспары  «100 нақты қадамның» 91, 92, 93 қадамдарын, Жаңа бюджеттік саясат тұжырымдамасын, мемлекеттік жоспарлау жүйесін жетілдіру тұжырымдамасы  мен Есептік комитеттің ұсыныстарын жүзеге асыру мақсатында жасақталған», - деді ҚР ұлттық экономика министрі Ерболат Досаев ҚР Парламенті Мәжілісінде заңжобасын таныстру барысында.

Заң жобасына Бюджет кодексі мен «Жергілікті мемлекеттік басқару және Қазақстан Республикасындағы өзін-өзі басқару туралы » заңына өзгертулер мен толықтырулар енгізу қарастырылған.

«Біріншісі  жыл сайын министрлер мен облыс және Астана мен Алматы қалалары әкімдерінің Премьер министрмен түзілген меморандумдар  үшін негізгі мақсатты индикаторларды жыл сайын бекіту қарастырылуда.  Алғаш рет басшылар негізгі мақсатты индикаторлар көрсеткіштерге қол жеткізілмегені үшін жауапқа тартылатын болады. Екіншісі  мақсатты индикаторлар бойынша стратегиялық жоспарларды қайта жасақтау бойынша стратегиялық жоспардан міндеттер, нәтижелер көрсеткіші мен шаралар алынып тасталады. Стратегиялық жоспардың жаңа форматында тек стратегиялық бағыттар, мақсаттар мен мақсатты индикаторлар енгізіледі», - деді министр.

Оның айтуынша, жаңа стратегиялық жоспардың жаңа форматын енгізу арқылы мемлекеттік органдардың бюджеттік бағдарламасын жасақтау қарастырылуда.

«Бұл бюджеттік бағдарламаға  стратегиялық міндетті жүзеге асыру үшін қажет шығындарды енгізуді көздейді. Жаңа стратегиялық жоспарлар форматы мен бюджеттік бағдарламаларды жасақтаудағы тың әдістер 2016-2018 жылдарға арналған республикалық бюджет жобасын жасақтауда пайдаланылды. Нәтижесінде бюджеттік бағдарламалардың жалпы саны 519-дан 220 дейін қысқарды. Сонымен қатар, «мақсатты индикатор» түсінігі енгізілуде және «нәтижелер көрсеткіші», «қорытынды нәтиже» түсініктемелері толықтырылуда»,  -деп толықтырды министр.

Анар Тәңірқұлова