• Басты
  • Д.Нұрмолдин: «Халықтық «жасыл» технологиялар академиясы»- Қазақстанда баламасы жоқ жоба (ФОТОРЕПОРТАЖ)
7 Қыркүйек, 2015 18:04

Д.Нұрмолдин: «Халықтық «жасыл» технологиялар академиясы»- Қазақстанда баламасы жоқ жоба (ФОТОРЕПОРТАЖ)

«Халықтық «жасыл» технологиялар академиясы» бірегей жоба, Қазақстанда ешбір баламасы жоқ, деп хабарлады Ақмола облысы мәслихатының хатшысы Дулат Нұрмолдин Ақмола облысы Арнасай ауылындағы «Халықтық «жасыл» технологиялар академиясы» білім тарату орталығының ашылу салтанатында.
Д.Нұрмолдин: «Халықтық «жасыл» технологиялар академиясы»- Қазақстанда баламасы жоқ жоба (ФОТОРЕПОРТАЖ)

Ұйымдастырушылар атап өткендей, орталықтың басты міндеті - еліміздің әртүрлі санаттағы тұрғындарын «жасыл» экономика  және «жасыл» технологиялар біліміне оқыту, энергетика және суды үнемдеу технологиялары мен тәжірибелерін  пайдалану тәжірибесімен таныстыру, шынайы демонстрациялық объектілерде энергия үнемдеу және органикалық ауыл шаруашылық саласында мейлінше тиімді технологияларға оқыту, кіші энергетика, энергиямен тиімді жылыту және жарық беру, туризм, «жасыл» құрылыс, қалдықтарды жою және басқа бағыттар бойынша елімізде жүзеге асырылып жатқан жобаларды көбейту. 

«Халықтық «жасыл» технологиялар академиясы» бірегей жоба, Қазақстанда ешбір баламасы жоқ. Орталықтық негізгі мақсаты «жасыл» экономика мен технология туралы жүйелік мәліметтерді алу, халықты энергетика және суды үнемдеу технологиялары мен практикаларын пайдалану тәжірибесімен таныстыру», - деді Д.Нұрмолдин.

Аталып өткендей, аталмыш орталықты Арнасай ауылында құру -  бұл Қазақстанның «жасыл экономикаға көшу тұжырымдамасын жүзеге асыруда және ЭКСПО-2017 дайындық барысына қазақстандық және халықаралық ұйымдардың қосқан үлесі.

Орталықта 15-ке жуық «жасыл» технологиялар жүзеге асырылған, мәселен, пиролизді жылыту, күн батареясы мен суды жылыту коллекторлары,  жарықдиодты және фитодиодты жарықтандыру, энерготиімді сораптар. 

 

Шараға «Жасыл» экономика үшін коалиция және G-Global дамыту» ЗТБ , «Ақбота» ҚҚ, Қазақстандағы БҰҰ-ның даму бағдарламасы, ҚР Парламенті Мәжілісінің депутаттары қатысты. 

Ботагөз Айтжанова

Азамат Алиев

Барлық жаңалықтар