Ашхабадта Қазақстан-Түрікменстан ынтымақтастығының ахуалы талқыланды
Брифинг барысында іс-шараға қатысушылар Қазақстанның Түрікменстанмен екіжақты қарым-қатынастарының ахуалы мен даму перспективалары, Қазақстанның басымды бағыттары туралы хабарландырылды.
Атап айтқанда, осы жылғы 10-11 маусымда Астанада әлемнің 42 елінің 71 делегациясының қатысуымен өткен Әлемдік және дәстүрлі діндер көшбасшыларының V съезінің декларациясы, Қазақ Хандығының 550-жылдығы, ҚР Конституциясы мен Қазақстан Халқы Ассамблеясының 20-жылдығы мен АТОМ жобасы, сондай-ақ, 2015 жылы 27 тамызда Астана қаласында Қазақстан Республикасы Үкіметі және Атом энергиясы жөніндегі халықаралық агенттігі (МАГАТЭ) арасында Қазақстанның аумағында МАГАТЭ төмен байытылған уран банкін құру туралы келісімге қол қойылуы туралы жеткізілді.
2015 жылдың соңында Қазақстан мен Түрікменстанның Экономикалық, ғылыми-техникалық және мәдени ынтымақтастық жөнінде бірлескен үкіметаралық комиссиясының 8-ші отырысын өткізу күтілуде.
