• Басты
  • ҚХА туралы заңға толықтырулар «Мәңгілік ел» идеясының қоғамдық келісім құндылықтарын нығайтады - ҚР МСМ

ҚХА туралы заңға толықтырулар «Мәңгілік ел» идеясының қоғамдық келісім құндылықтарын нығайтады - ҚР МСМ

7 Қыркүйек, 2015 11:24
Қазақстан халқы Ассамблеясы туралы қолданыстағы заңнамаға өзгертулер мен толықтырулар енгізу институционалды рөлін нығайтып қана қоймай, «Мәңгілік ел» идеясының қоғамдық келісім құндылықтарын арттырады, деп хабарлады ҚР Мәдениет және спорт вице министрі Марат Әзілханов ҚР Парламенті Мәжілісінің жұмыс тобының отырысында.

«Үшінші бапта Қазақстан халқы Ассамблеясының мақсаты ҚР-да қазақстандық біртұтастылық пен ұлттың бәсекеге қабілеттілігін қалыптастыру барысында этносаралық келісімді қамтамасыз ету болып табылады, аталмыш бапты «Мәңгілік ел» жалпыұлттық патриоттық идеясы» нормасымен толықтыру ұсынылған», - деді М. Әзілханов.

Сонымен қатар, вице-министр толықтырып кеткендей, 3,4 баптар «Мәңгілік ел» идеясы құндылықтары бар нормалармен толықтырылған.

«Қазақстан халқы Ассамблеясы жұмысының сапасын арттыру үшін Елбасы алдында ҚХА жыл сайынғы есеп беруін және «Мәңгілік ел» идеясы қарастыратын норманы енгізу ұсынылуда. Бұл өзгертулер мен  толықтыруларды енгізу Қазақстан халқы Ассамблеясының институционалды ролін нығайтып қана қоймай, «Мәңгілік ел» идеясының қоғамдық келісім құндылықтарын арттырады. Бұл заңнаманы қабылдау жағымсыз құқықтық әсер тудырмайды және қосымша бюджеттік қаржыландыруды қажет етпейді»,-  деп атап өтті М. Әзілханов.

Естеріңізге сала кетейік, 2008 жылы 20 қазанда қабылданған «Қазақстан халқы Ассамблеясы туралы» заңнамаға сәйкесінше өзгертулер мен толықтырулар енгізу көзделуде.

Ботагөз Айтжанова

Барлық жаңалықтар