АҚШ пен Дүнежүзілік банк ЭКСПО-2017 көрмесіне қатысатынын растады -ҚР СІМ

Вашингтонда «ЭКСПО-2017» комиссары АҚШ Президентінің арнайы көмекшісі  Ресей мен Орталық Азия бойынша ұлттық қауіпсіздік кеңесінің директоры Селеста Уолландермен, АҚШ мемлекеттік хатшысының аға кеңесшісі, елші Дэвид Торнмен, АҚШ энергетика министрінің халықаралық ынтымақтастық бойынша көмекшісі Джонатан Элкайндпен, Дүниежүзілік банктың вице-президенті Илланго Патчамутумен, сонымен қатар Ұлттық географиялық қоғамның, «АРПА-Е» агенттігінің, «BrandsUSA» туристік компаниясының, «Жасыл» нысандар бойынша кеңестің және энергияүнемдеу мен энерготиімділік саласында жұмыс істейтін корпорациялар басшыларымен бірқатар кездесулер өткізді.

Ақ үйдегі кездесу барысында Р. Жошыбаев пен С. Уолландер дәстүрлі сенім атмосферасы және Қазақстан мен АҚШ арасындағы стратегиялық серіктестіктің жоғары деңгейіне тоқталды. С. Уолландер қазақстандық делегацияның жұмыс сапарының  маңызды екенін атап өтті. Бұл сапар АҚШ ірі компанияларының Қазақстанда алдағы уақытта өтетін «ЭКСПО-2017» көрмесіне қатысуға мүмкіндік береді.

АҚШ-тың ЭКСПО көрмесіне қатысуын үйлестіретін АҚШ-тың мемлекеттік департаментінде Р. Жошыбаев  Д.Торн мен мемлекеттік хатшының Оңтүстік және Орталық Азия бойынша көмекшісі Бисвалға Қазақстанның халықаралық бастамалары туралы әңгімелеп берді. Америкалық серіктестер «ЭКСПО-2017» қызығушылық танытып, көрме тақырыбының әлем қауымдастығы үшін маңызды екенін атап өтті. Сондай-ақ, тараптар қазақстандық-америкалық ынтымақтастықтың бүгінгі жағдайымен болашағы туралы пікір алмасты.