Алматының қала құрылысы кеңесі 6 нысанның құрылысын бекітті

Бұл жобалардың бірі Тұлпар сауда орталығы Алмалы ауданындағы Төле би көшесінің бойында жұмыс жасап жатқан базар аумағына салынады.

«Алматыда басты міндеттердің бірі базарларды модернизациялау әрі қарай жалғаса береді. Бүгінгі күні қалада бизнесмендердің 35 пайызы саудамен айналысады. Бұрынғы «барахолка» орнында лайықты қалалық инфрақұрылым жұмыс жасауда. Біз саудамен айналысатындар үшін замануи сауда орталықтарын салатын боламыз», - деп атап өтті Бауыржан Байбек.

Алматының қала құрылысы кеңесі Жетісу ауданында бой көтеретін жерасты паркингі бар автомобильдерді сатумен айналысатын нысан құрылысы да бекітті. Алмалы ауданында «Евразия технология университетінің» қосымша корпусы салынады. Бостандық ауданында «Казхиммонтаж холдинг» АҚ-ы өз нысанын қайта жасап, өз аумағында №22 мектеп- гиназия үшін асхана салады. Осы ауданда жер асты паркингі бар «Комфорт» тұрғын кешені бой көтереді, ал Медеу ауданында бала бақшасы бар көпфункционалды тұрғын үй салынбақ. Атап өтерлік жайт, Медеу ауданында салынуы тиіс жер асты паркингі, бала бақшасы бар «Көркем Парк» кешенінің құрылысын қала құрылысы кеңесінің мүшелері мақұлдамады, себебі жобада мектеп құрылысы ескерілмеген.

Барлық бекітілген жобалар жеке инвестициялар есебінен жүзеге асатын болады.