Алматыда Жамбыл облысының жәрмеңкесі өтті

Тұрғындар өнімнің 50 шақты түрін нарықтағы бағадан 15-20 пайызға арзанға сатып алды. Жалпы әкелінген өнім салмағы 240 тонна, құны 90 млн теңге.

Тауарлардың сапасы мен деңгейін жәрмеңкеде Алматы әкімі Бауыржан Байбек пен Жамбыл облысының әкімі Кәрім Көкрекбаев бағалады.

Мегаполис басшысы Жамбыл облысының өнімі алматылықтар арасында сұранысқа ие екенін айтты.

«Алматы әкімдігінің басты мақсаттарының бірі қала тұрғындарын сапалы азық-түлікпен қамту. Алматылықтар арзан бағаға жоғары сапалы  өнім сатып алғандары абзал», - деді Б.Байбек.

Алматылықтар мен қала қонақтарына 39 тонна ет, 9 сүт тағамдары, 168 тонна көкөніс және 24 тонна өзге тауарлар ұсынылды.