ҚР Қарулы Күштерінде әскери есепте тұрған азаматтармен жиын өткізілді

5 Қыркүйек, 2015 14:32

Қапшағай қаласының 10228 әскери бөлімінде әскери есепте тұрған Қазақстан Республикасының әскери міндетті азаматтарымен жиын басталды. Жиын қыркүйектің 5-і мен 19-ы аралығында өтеді, деп хабарлады Қорғаныс министрлігі.

Оған 160 адам қатысады. Бұл жиында әскери міндеттілер Қазақстан Республикасы Қарулы Күштерінің, басқа да әскерлері мен әскери құралымдарының жауынгерлік және жұмылдыру әзірлігін арттыру үшін әскери бөлімдерге шақырыла отырып, әскери білімдерін жетілдіретін болады.

Әскери жиынның негізгі мақсаты қысқартылған санда бейбіт уақытта тұрған әскери бөлімдердің жауынгерлік және жұмылдыру әзірлігін арттыру, жасақтау аудандарында оларды соғыс уақытында жұмылдыру және жасақтау кезінде Қазақстан Республикасының Қарулы Күштерін, басқа да әскерлері мен әскери құралымдарын өрістету үшін қажет қорда әскери-оқытылған ресурстарды дайындау және жинақтау болып табылады.

Әскери міндеттілер жиынға жоспарланатын жылға қордағы контингенттің шақырылу көлемін айқындайтын Қазақстан Республикасы Үкіметінің қаулысы негізінде шақырылады. Әрі қарай қыркүйектің 9-і мен 23-і аралығында әскери міндеттілердің жиыны Қарағандыда, Семейде, Отар кентінде және Қарағанды гарнизонының әскери полиция жасағында (Қарағанды қ.) өтетінін айта кетейік.

Барлық жаңалықтар