Түркі кеңесі «Жалпы Түркі тарихы» бойынша оқулық әзірлеуде

Отырысқа Қазақстанның білім және білім министрі Аслан Сәрінжіпов, Түркі кеңесінің бас хатшысы Рамиль Хасанов, Әзірбайжан білім министрінің орынбасары Фирудин Гурбанов, Қыоғыстанның білім және ғылым министрінің орынбасары Әділет Бекбоев, Түркияның ұлттық білім беру министрі Наби Авджы қатысты.

«Біздің кездесуіміз Түркітілді мемлекеттердің ынтымақтастық кеңесінің V саммиті қарсаңында өтіп жатқандықтан үлкен мәнге ие. Аталмыш шара біздің елдер арасындағы ынтымақтастықты нығайтады, атап өтсек: саяси, мәдени, ғылыми-техникалық, білім беру және өзге маңызды салалар бар. Осыған дейінгі кездесулерде ғылым мен білім саласындағы білім беруді ықпалдастыру мәселелері талқыланды. Біздің министрліктер арасында кадр дайындау, бірлескен білім беру бағдарламаларын жүзеге асыру мәселелері бойынша негізгі міндеттер бекітілді», - деді А.Сәрінжіпов.

Отырысқа қатысушылар жалпытүркі тарих оқулықтарының дайындалуы мен бағдарламасын талқыланды, сондай-ақ, география мен әдебиет бойынша жалпы оқулық дайындаудың мәселесі қаралды.

«Академия «Жалпы Түркі тарихы» бойынша 8-ші сынып оқушыларына арналған бағдарламаны әзірледі. Бізге бірыңғай әдіспен жасалған бірыңғай оқулық әзірлеу қажет. Ол  XV ғасырдың тарихынан басталады. Осыған орай студенттерді ауыстырып оқыту бойынша бағдарлама әзірлеу де қарастырылуда», - деді ҚР БҒМ басшысы.

Қазіргі таңда оқулықтар әзірлену деңгейінде тұр, қатысушы елдер өздерінің ұсыныстары мен бағдарламалырды қайта қарауды ұсынуда. Оқулықтар аяқталған соң мектеп бағдарламасына енеді.

Анар Тәңірқұлова

Суретке түсірген Азамат Әлиев