«Саламатты Қазақстан» бағдарламасы аясында Ақмола облысында ФАП ашылды
5 Қыркүйек, 2015 11:36
Аршалы ауданы Бұлақсай округінің Костомар ауылында жаңа фельдшерлік-акушерлік пункт ашылды, деп хабарлады Ақмола облысының ішкі саясат басқармасы жанындағы «Ақмола медиа орталығы».
Фельдшерлік-акушерлік пункттің құрылысына облыстық бюджеттен 80 млн теңге бөлінді.
«Ауданда «Саламатты Қазақстан» мемлекеттік бағдарламасы аясында әлеуметтік саланың материалдық-техникалық базасын жақсарту үшін ауқымды жұмыстар жасалуда. Медұжым мен келушілердің жағдайына барлық қолайлы шаралар жасалған», - деді аудан әкімі Жомарт Нүркенов.
Барлық келушілер кабинеттермен танысып, медицина ұжымына сәттілік тіледі.
ФАП-тың ашылуы 5 жұмыс орнын ашады.
