Талдықорғанда күздің алғашқы жәрмеңкесі өтті (Фото)
5 Қыркүйек, 2015 12:04
Азық-түлік тауарларының бағасын тұрақтандыру мақсатында Алматы облысының аудан, қалаларында ауылшаруашылық өнімдерінің жәрмеңкелерін өткізу жоспарланған, деп хабарлады облыс әкімдігі.
Тауарөндірушілердің жәрмеңкесінде өңірдің барлық аудандары мен қалаларынан жалпы құны 94,1 млн. тг. болатын сапалы және экологиялық таза өнімнің 437 түрі тұтынушыларға ұсынылатын болады. Олар: 45,5 тонна ет, 12,78 тонна балық, 39,58 тонна картоп, 90,0 тонна көкніс, 22,6 тонна жеміс-жидек пен жалпы көлемі 324,4 тонна болатын басқа да түрлі өнімдер.
Қала тұрғындарының айтуынша, маусымдық жәрмеңкелерді өткізу – жақсы үрдіс, әсіресе азық-түлік түрлерінің көптігі және олардың төменгі бағада сатылып жатқандығы тұрғындардың көңілінен шығуда.
