В. Школьник: Үш МӨЗ-дің мұнай өнімдерінің өндірісі ішкі нарықтың 2017-2022 жылдар аралығындағы сұранысын жабуға жетеді

«Қазіргі таңда үш зауытты жаңғырту жүргізілуде, жақын арада аяқталуы керек. Құрылыс-монтаж жұмыстары 2016 жылы аяқталып, 2017 жылы өз жұмыстарын бастайды, осылайша мұнай өнімдері тапшылығы шешімін табатын болады. 2017-2022 ж аралығында үш МӨЗ-дің мұнай өнімдері өндірісі ішкі нарықтың сұранысын қанағаттандыруға жетеді», - деді министр.

Оның айтуынша, Үкіметте төртінші МӨЗ-ді ойластыру және салу тапсырмасы бар. Қазіргі таңда бұл мақсатта арнайы құрылған жұмыс тобы жұмыс істеуде. Ведомсвто басшысы атап өткендей, 2022 жылдан кейін мұнай өнімдерінің тапшылығы қайта пайда болады, себебі халық, экономика мен тұтыну көлемі артады.

«Осы уақытқа дейін МӨЗ салынып бітуі керек, ол жетіспеушіліктің орнын толтыратын болады және бензинді экспортқа шығаруымызға септігін тигізеді», - деді министр.

Индира Кауметова