Б.Сағынтаев: Қазақстанда АИ 92 мен АИ 93 маркалы бензин бағасын мемлекеттік реттеуден бас тартады
4 Қыркүйек, 2015 16:25
ҚР Үкіметі ішкі нарықта АИ 92 мен АИ 93 маркалы бензин тапшылығын болдырмау үшін бұл маркідегі жанармай бағасын мемлекеттік реттеуден бас тарту туралы шешім қабылдады, деп хабарлады Премьер-Министрінің бірінші орынбасары Бақытжан Сағынтаев ОКҚ-да.
«Бүгінгі жағдайда еліміздегі өндіріс барлық қажеттілігімізді толығымен жаппайды. Сондықтан да көбіне Ресейден алып келеміз. Бағасы 108 теңге, алайда біз теңге бағамының еркін айналымға жібергендіктен қиындықтар туындауда. Бұрынғы бағам бойынша 20-шы тамызға дейін РФ жанармайды еркін алдыратынбыз, онда сатып алу бағасы 97 теңге болса, 108 теңгеден саудаға шығаратынбыз», - деді Б.Сағынтаев.
Оның айтуынша, бүгінде бензинге 120 теңге кетеді.
«Жасыратыны жоқ ешкім өзін шығынға батырып жұмыс істемейді. Сондықтанда ҚР Үкіметі ішкі нарықта АИ 92 мен АИ 93 маркалы бензин тапшылығын болдырмау үшін бұл маркідегі жанармай бағасын мемлекеттік реттеуден бас тарту туралы шешім қабылдады», - деді Премьер-Министрінің бірінші орынбасары Б.Сағынтаев
