Алматы облысында балаларға арналған спорт интернат ашылды

Спорт мектебіне түскен алғашқы оқушыларды Греко-рим күресі бойынша Олимпиада чемпионы Жақсылық Үшкемпіров құттықтады.

«Бұл ауылдық жерде ашылған ең алғашқы спорттық интернат, мекеме демеушілердің қаржысына салынды», - делінген хабарламада.

Оқу жылын спорт интернатында бокс, грек-рим күресі, еркін күрес, ауыр атлетика, дзюдо мен тау шаңғысы түрлерінен 100 бала білім алуда.

Аталмыш спортшылар іріктеудің үш кезеңінен өтті. Оның ішінде Алматы облысының аудандары мен ауылдарының  тумалары, Павлодар және ШҚО өкілдері де бар. Жыл сайын оқушылар мен спорт түрін көбейту жоспарлануда.

Айта кетейік, интернат базасында мамандандырылған залдар, футбол алаңы, монша, кітапхана, асхана және 250 орындық жатақхана бар.