ИИДМБ: ПМУ металлургия және мұнай-химия бағыттары бойынша шамамен 400 адамды оқытады (ВИДЕО)
4 Қыркүйек, 2015 11:09
2015-2019 жылдарға арналған ИИДМБ жүзеге асыру үшін кадрларды даярлау аясында Павлодар мемлекеттік университеті металлургия және мұнай-химия бағыттары бойынша шамамен 400 адамды оқытады, деп хабарлады ЖОО-ның ректоры Арын Орсариев «Strategy2050.kz»АА берген эксклюзивті сұхбатында.
«Павлодар облысында Павлодар мемлекеттік университетіне 2015-2019 жылдарға арналған ИИДМБ екі бағыты бекітілген. Олар металлургия және мұнай-химия. Мұнай-химиясы аясында ПМХЗ жаңғырту жүзеге асырылуда», - деді ректор.
Осы ретте, А. Орсариев атап өткендей, бұл екі сала үшін жалпы алғанда Павлодар облысына 3600 маман қажет, оның ішінде 380 маманның инженерлік-техникалық білімі болғаны абзал.
«Металлургия саласында аймағымызда мыс өндірісін құрудамыз. Сонымен қатар алюминийден жасалған өнімдер мен теміржол саласына қажет өнімдер кластерін, қосымша жаңа материалдар бойынша экологиялық орталықты жасақтаудамыз», - деді ол.
Индира Кауметова
