2016 жылы Л. Н. Гумилев атындағы ЕҰУ 20 жылдығын атап өтеді

4 Қыркүйек, 2015 10:04

2016 жылы Л. Н. Гумилев атындағы ЕҰУ құрылғанына 20 жыл толады, деп хабарлады университеттің баспасөз қызметі.

«2016 жыл тек оқу орны үшін ғана емес, жалпы мемлекет үшінде айтулы жыл болмақ. ЕҰУ құрылғанына 20 жыл толуына дайындалуда», - делінген хабарламада.

«Барлығы студенттер үшін» бағдарламасы аясында 500 орынға есептелген, жалпы ауданы 8071,16 шаршы метр 9 қабатты жаңа студенттерүйінің құрылысы жүргізілуде. Жалпы бөлмелер саны 167 дана. Нысанды 2016 жылдың ІІ тоқсанында тапсыру жоспарланған.

Айта кетерлік жайт, бірінші кезекте үйге бірінші курс студенттері мемлекеттік грант иегерлері кезекте тұр. Сонымен қатар, тегін үйді мүмкіндігі шектеулі немесе жетім студенттер және Ауғанстаннан оқуға келген студенттер алады.

Бүгінде ЕҰУ-дың барлық алты студенттер үйі асханамын, тегін интернетпен, студенттік кинотеатрмен және спорт алаңдарымен қамтылған.

Бұдан басқа, М.В. Ломоносов атындағы ММУ филиалы үшін жалпы ауданы 8354 шаршы метр 500 орынға арналған жатақхана пайдаланылуға берілді.

Индира Кауметова