ҚР-да жаңа тұрғын үйдің бір шаршы метрінің құны 10%-ға төмендейді – сарапшы

3 Қыркүйек, 2015 17:58

Теңге бағамын еркін айналымға жіберу және жылжымайтын мүлік нарығының қысқаруына байланысты жаңа тұрғын үйдің бір шаршы метрінің құны доллармен алғанда ғана емес, сонымени қатар теңгелейде шамамен 10%-ға төмендейді, деп хабарлады BI Group сарапшысы Анар Қуандықова «Дағдарыс жағдайындағы жылжымайтын мүлік нарығы» тақырыбымен өтіп жатқан Сараптамалық клубтың ІІІ отырысында.

«Қазіргі таңда бізде 2013 жылдағы жағдай қайталануда, нарықтың көлемі қысқаруда. Өткен жылы нарық көлемі өте жақсы ұлғайды. Жаңа құрылыс компанияларының саны артты, ұсыныстарда көп болатын, бірінші нарықта 13-15 мыңға жуық пәтерлер болды. Бүгінде жағдай керісінше, нарық кішіреюде – нарықта 8 мыңға жуық пәтерлер ұсынылған және 60 мыңға жуық компаниялар бар. Көптеген компаниялар дефолт жағдайына келуде. Бұлар майда салушылар, олар теңгемен жағдайды еңсере алмауда», деді А.Қуандықова.

Сарапшының пайымынша, бұл салушылардың теңгеге байланысты жағдайдың есебінен пайда тапқысы келген әрекетінен орын алып отыр.

«Олар ағымдағы жағдайды пайдалана отырып бұрынғы доллар бағамы бойынша сатуды жалғастырды, алайда олар бұрынғы теңге бағамымен сатуы керек еді. Әрине, бүгінде көптеген елдерде сатып алу қабілеті төмендеп кетті және бұл дұрыс емес. Бүгінде нарықта тек ірі компаниялар ғана қалатыны байқалып отыр, олар ағымдағы жағдайға байланысты дұрыс әрекет ете білді», - деп атап өтті ол.

А.Қуандықова толықтырып кеткендей, жаңа тұрғын үйдің бір шаршы метрінің құны 10%-ға төмендейді.

«Теңге бағамын еркін айналымға жіберу және жылжымайтын мүлік нарығының қысқаруына байланысты жаңа тұрғын үйдің бір шаршы метрінің құны доллармен алғанда ғана емес, сонымени қатар теңгелейде шамамен 10%-ға төмендейді. Қазіргі таңда біз жобалардың өзіндік құнын арзандату бағытында жұмыс істеп жатырмыз», - деді сарапшы.

А.Қуандықова толықтырып кеткендей, жақын 3-4 айда алғашқы тұрғын үй нарығында тыныштық болады.

Анар Тәңірқұлова