ШОБ-қа мемлекеттік қолдау көрсету бағдарламасы бәсекеге қабілетті кәсіпорындарға қайта бейімделеді- вице-министр

«Аталмыш санатқа инновациялық және алдыңғы қатардағы жобаларды жүзеге асырып жатқан кәсіпорындар жатқызылады. Осы ретте, мақсатты гранттар мен 750 млн теңгеге дейінгі несиені субсидиялау бағдарламалары барлығына қол жетімді болады. Әрине егер соңғылары жаңа жұмыс орындарын ашып өндіріс көлемін арттырса және салық төлемдерін көбейтетін болса», - деп түсіндірді Т.Жақсылықов.

Оның айтуынша, әкімшілік кедергілерді азайту бағытындағы жұмыстар өте маңызды.

«Атап айтқанда, артық келісулер, сұралатын құжаттар тізімі және қарастыру мерзімі қысқартылады. Қаржылай қолдауды қамтамасыз ету үшін бір терезелі принцип бойынша барлық жұмыстар жүргізілетін болады», - деп атап өтті ол.

Т.Жақсылықов хабарлағандай, жалпы өткен жылы белсенді шағын және орта бизнес субъектілерінің үлесі 5,5%-ға артып 1 млн 324 мың дананы құрады. Ал, жұмыспен қамтылғандар саны 3,7%-ға өсіп  2 млн 770 мың адамды құрады. Өнім өндірісі 4%-ға көбейіп  14 трлн 605 млрд теңгені құрады.

«1045 кәсіпкер жалпы сомасы 49,5 млрд теңге несие бойынша кепілдеме алды. Жалпы, кепілдеме сомасы 21,7 млрд теңгені құрады. Қазақстанның барлық аймақтары «Бизнестің жол картасы - 2020» бағдарламасымен қамтылды», - деді вице-министр.