Маңғыстау облысында үш балабақша ашылды (Фото)
Айта кетейік, жаңа балабақшаларға батыр қыздар– Ұлы Отан соғысы батырларының аты берілді. Пайдалануға берілген нысандарда балалар алаңы бар, медициналық кабинетпен жабдықталған, инфрақұрылымдық қондырғылармен қамтылған.
« «Балапан» мемлекеттік бағдарламасын жүзеге асыру барысында осы айдың соңында 29-шы шағын ауданда орналасқан тағы бір балабақша іске қосылады. 12-ші аудандағы балабақшаның жөндеу жұмыстары аяқталуға жақын. Бес мектепке дейінгі мекемеде 1400 бала тәрбиеленеді. Бүгінгі таңда 4 балабақшаның жобалық-сметалық құжаты мен күрделі жөндеуіне 16 млн теңге бөлінді. 2020 жылға дейін осындай қарқынмен жұмыс істесек біз Елбасы жүктеген тапсырманы орындаймыз. 3-6 жас аралығындағы балалар мектепке дейінгі біліммен қамтылады», - деді Маңғыстау облысының әкімі Алик Айдарбаев.
