Қазақстан Вьетнаммен рентген-қондырғысының экспорты бойынша байланыс орнатуда

3 Қыркүйек, 2015 11:09

Ірі диагностикалық рентген қондырғыларын өндіруші «Актюбрентген» Хошимин қаласында өткен «Medica Vietnam 2015» халықаралық медициналық көрмесіне қатысты, деп хабарлады «KAZNEX INVEST» АҚ.

Көрме фармацевтикалық саладағы 173 үздік әлемдік өндіруші мен қондырғы жеткізушінің басын қосты. Вьетнамдық компаниялар мен жергілікті ауруханалардың өкілдері отандық медициналық қондырғы мен рентгендік техникаға үлкен қызығушылық танытты.

««KAZNEX INVEST» отандық өндірушілерге жаңа нарыққа шығу үшін жағдай жасап отыр. «Актюбрентген» АҚ мемлекеттің қолдауымен осы сынды шараларға шығып, отандық рентгендік техниканың экспорттық көлемін ұлғайта алады», - деді «Актюбрентген» АҚ экспорт бөлімінің жетекшісі Сергей Феоктисов.

KAZNEX INVEST Вьетнамның нарығына шыққандағы қазақстандық өнімнің әлеуетті мүмкіндігіне талдау жасады.

Жыл сайын Вьетнам 90 млн долларды құрайтын рентген-аппаратты импорттайды.Негізгі жеткізуші орындар Германия (18,9 %), Жапония (15,4 %), Сингапур (15,2 %), Оңтүстік Корея (13,4 %) және АҚШ (10 %).

«Вьетнам нарығы өткен жылдың мамыр айында Вьетнам мен Еуразиялық жкономикалық одақ арасында орын алған келісімнен кейін қазақстандық кәсіпкерлерге тек Вьетнаммен жұмыс жасауға ғана емес, сондай-ақ, АСЕАН-мен жұмыс істеуге мүмкіндік береді», - деді «KAZNEX INVEST» басқарма төрағасының орынбасары Мейіржан Майкенов.

Айта кетейік, Қазақстан мен Вьетнамның тауар айналымы 2014 жылы 271,7 млн долларды құрады, оның ішінде экспорт құны – 1,7 млн доллар, импорты – 263,9 млн доллар.

Барлық жаңалықтар