Қазақстандық әскери қызметшілер Бейжіңдегі парадта жетінші болып өтті (Фото)

3 Қыркүйек, 2015 10:23

Бейжіңнің бас алаңы Тяньаньмэньда Жапониямен соғыстағы қытай халқы Жеңісінің 70 жылдығы мен Екінші дүниежүзілік соғыстағы Жеңістің 70 жылдығына орайластырылған ауқымды парад өтті, деп хабарлады Қорғаныс министрлігі.

Қазақстаннан бұл ауқымды армиялық шараға Қазақстан Республикасы Қарулы Күштері Аэроұтқыр әскерлерінің құрмет қарауыл ротасы қатысты. Қытайдың бас алаңында 32 қорап адымдап өтті, оның ішінде 15-і парадты өткізіп отырған Қытай елінің әскерилері.

Ерекше дайындалған 76 қазақстандық әскери қызметшілерден тұратын қорап қытай маршының әуенімен Бейжіңнің бас алаңында шетел қораптары арасында жетінші болып өтті. Барлығы парадқа 17 елдің әскери қызметшілері қатысты. Олардың ішінде Ресей Федерациясы, Беларусь, Қырғызстан, Моңғолия, Тәжікстан, Пәкістан, Куба, Мексика, Сербия, Мысыр және тағы басқалары бар.

«Біз ҚР Қорғаныс министрлігінің Құрмет қарауыл ротасы Қытайдағы парадта Қазақстанды көрсету мүмкіндігі берілгенін мақтаныш тұтамыз. Бұл іс-шарада біз қазақстандық армияның қуаты мен айбынын көрсетіп, елімізді жоғары деңгейде танытқанымызға сенімдіміз», - деді құрмет қараулы ротасының командирі капитан Мақсат Байжігітов.

Дайындық уақытында ҚХР халықтық қарулы полициясы Пекин командалық училищесінің аумағында 6 бірлескен жаттықтыру өткізді. Онда шет елдердің әскери қызметшілері орналастырылып, дайындықтан өткенін айта кеткен жөн. Құрмет қарауыл ротасына еліміздің Қарулы Күштерін көрсетуге машықтанған 22 мен 28 жас аралығындағы қазақстандық армияның үлгілі әскери қызметшілері іріктеліп алынғанын естеріңізге сала кетейік.

Барлық жаңалықтар