Қазақстандық қамту: Павлодар облысында экологиялық тұрғыдан қауіпсіз сэндвич-панельдер өндірісі іске қосылды
Инвестиция көлемі 60 млн. теңгеден астам қаражатты құрады. Қосымша 15 жұмыс орны құрылды, жұмыскерлер саны - 120 адам.
Сэндвич-панельдер қазандықтар мен жылу тораптарын салуға, өнеркәсіптік кешендерді, өндірістік орынжайларды жаңғыртуға және тағы басқа жұмыстарда қолданылады.
Сэндвич-панельдер шығаратын желі іске қосылған соң құрылыс нысандары 100% қазақстандық қамтумен толықтай дайын көлемде тапсырылатын болады.
Айта кетсек, «Павлодар қазандық зауыты» ЖШС 1998 жылы құрылған. Кәсіпорын 15 жылдан астам еліміздің мұнай-газ компаниялары нысандарын өз өнімімен қамтып келеді.Зауыт шығаратын қазандықтар жылыту жүйесінде қолданылатын ыстық суды алуға, өнеркәсіптік және тұрмыстық ғимараттар мен орынжайларда ауа алмастыруға және оларды ыстық сумен қамтамасыз етуге арналған.
