Маңғыстау облысында ауылдық дәрігерлік амбулатория мен мәдениет үйі ашылды (ФОТО)
3 Қыркүйек, 2015 09:13
Маңғыстау облысының әкімі Алик Айдарбаевтың қатысуымен Маңғыстау ауданының Қызан ауылында дәрігерлік амбулатория және Ақшырмау ауылында мәдениет үйі ашылды, деп аймақ әкімдігінен хабарлады.
Аталып өткендей, Қызан ауылындағы дәрігерлік амбулатория 50 орынға есептелген, ол республикалық және жергілікті бюджет қаржысы есебінен 170 млн теңгеге салынды.
«Ақшырмау ауылындағы мәдениет үйі 150 орынға есептелген және «Коммұнай» компаниясының әлеуметтік жауапкершілігі аясында тұрғызылды. Жоба құны 150 млн теңге», - делінген хабарламада.
Аймақ басшысы атап өткендей, әлемдік экономикадағы қиындықтарға қарамастан өңірдегі қазақстандық экономика жергілікті халықтың тұрмыстық жағдайын жақсартуға бағытталған әлеуметтік маңызды нысандардың құрылыс жұмыстарын жалғастыруда.
