Астанада «Тарих және Мәдениет» халықаралық этникалық мәдениет фестивалі ашылды (ФОТО)

Фестивальдің серіктестері Қазақстан халқы Ассамблеясы, ҚР Мәдениет және спорт министрлігі, С. Нұрмағамбетов атындағы халықаралық қайырымдылық қоры, ҚР Ұлттық дельфий комитеті.

«Фестивальдің мақсаты – әлемнің түкпір-түкпірінен келген шығармашыл адамдарды біріктіру, ұлттық мәдениеттің, тілдің,  тарихтың бірегейлігін сақтау және насихаттау. Біз алдымызға этникалық музыканы насихаттау сияқты міндеттерді қойып отырмыз», – деді басты ұйымдастырушы Сапар Ысқақов Астанадағы баспасөз конференциясында.

Бұл шара халықаралық деңгейдегі – алыс және жақын шетел мен Қазақстанның вокал, хореография, ұжымдар үшін инструменталды жанрдағы және жеке орындаушылардың халықаралық фестивалі.

«Фестивальға әлемнің 16 мемлекетінен келген конкурсанттар мен қонақтар қатысады. Бүгінде өздерінің қатысатынын Ресей, Венгрия, Болгария, Молдова, Моңғолия, Қытай, Өзбекстан және өзгеде елдердің талантты тумалары растады. Бірінші кезеңде конкурсанттар қазақ/қазақстандық компазиторлардың туындыларын немесе қазақ халық әндерін орындайды, екінші кезеңде өздері келген мемлекеттің әндерін орындайды», – деп атап өтті ол.

Фестиваль лауреаттары мен дипломаттары бағалы сыйлықтармен және қаржылай сыйақымен марапатталатын болады.

Анар Тәңірқұлова

Суретке түсірген Азамат Әлиев