Қазақстан мен Молдова екі елдің үкіметтері арасындағы адамдарды қабылдау туралы хаттамаға қол қойды
Отырыс жұмысына ТМД елдерінің ішкі істер министрліктерінің, полицияларының басшылары, ТМД-ға қатысушы мемлекеттер аумағында Ұйымдасқан қылмысқа және қылмыстың өзге де қауіпті түрлеріне қарсы күресті үйлестіру бойынша бюроның және ТМД Атқару комитетінің басшылық құрамы қатысты.
Отырыс барысында делегация басшылары ТМД-ға қатысушы мемлекеттердің ІІМ (Полиция) ынтымақтасу және өзара іс-қимыл жасасу перспективасын, Достастық елдерінің жаңа қауіп-қатерлерге және қауіпсіздікке қатер төндіруге қарсы іс-қимылды, қылмысқа қарсы мемлекетаралық бағдарламалардың іске асырылу барысын талқылады.
Ақпараттық технология саласындағы қылмыстарға қарсы күресте ТМД-ға қатысушы елдердің ынтымақтастығы туралы келісімі және осы қылмыстарға қарсы ТМД елдерінің ынтымақтастық бағдарламасының жобасы мақұлданды. ҰҚҚКҮБ мамандандырылған мәліметтер базасының жұмыс істеу тәртібі туралы Нұсқаулық бекітілді.
Сонымен қатар делегация басшылары автокөлік құралдарының ұрлануы, жаңа психикалық белсенді және психотропты заттардың, есірткінің, сонымен қатар осыған ұқсас қауіпті химиялық заттардың айналымға түсу проблемаларын талқылады.
2 қыркүйекте Достастық елдерінің ІІМ (Полиция) делегация басшыларын Беларусь Республикасының Премьер-Министрі Андрей Кобяков қабылдады, ол өз сөзінде ТМД-ға қатысушы мемлекеттердің Ішкі істер министрліктерінің Тәуелсіз мемлекеттер достастығы кеңістігінде қылмысқа қарсы күресте ынтымақтастықты одан әрі дамыту қажеттілігін атап өтті.
Сонымен қатар, Кеңес отырысында Қазақстан Республикасы Үкіметі мен Молдова Республикасы Үкіметінің арасында бірқатар миссиялар мен оны іске асыру Хаттамасы туралы Келісімге қол қойылды.
Бұл Келісім Қазақстан мен Молдова арасындағы ынтымақтастық үшін - ұлттық заңнаманың талаптарын бұза отырып, аумақта болған адамдарды қабылдау мен транзиттеуге, сондай-ақ ынтымақтастық тетігін құруға және заңсыз көші-қонға қарсы тиімді күрес жүргізу үшін құқықтық негіз болады.
ІІМД-нің кезекті отырысын 2016 жылы Минск қаласында өткізу жоспарланған.
