ИИДМБ: Жамбыл облысында 2,5 млрд теңгеге құрғақ құрылыс қоспаларын өндіретін зауыт салынуда

Аталып өткендей, «Жамбылгипс» АҚ  құрғақ құрылыс қоспалары мен гипс өнімдерін өндіретін жаңа зауыттың құрылысы бойынша жобасы «Қазақстанның Индустрияландыру картасы» аясында жүзеге асырылуда. Жоба құны 2,5 млрд теңгеден асып жығылады.

Естеріңізге сал кетейік, ескі зауыт 1960 жылы салынған. Оның шикізат базасы Шығыс және Батыс учаскелер Ұлкен-Бұрылтау кенорны болды, оның табиғи гипс қоры 50 млн тоннадан асады. Ескі кешендерде өндірістік процес күнібүгінге дейін тоқтамаған. Жақында ғана зауыттың аумағында микрокальцит-мәрмәр ұнтағын өндіру бойынша көпқабатты  жаңа цех іске қосылды. Бұдан басқа, өзгеде нысан үшін іргетас қалануда.

«Бүгінгі таңда нысан жартылай салынып қойды. Құрал-жабдықты Еуропада сатып алдық, енді оларды күтудеміз. Жаңа зауыт 4 цехтан тұратын болады. Олар іске қосылғаннан кейін жылына 170 мың тонна құрылыс гипсін, 100 мың тоннаға жуық құрғақ құрылыс қоспаларын, 60 мың тонна микрокальцит және 60 мың шаршы метр перлит өндіру көзделуде»,  -деді «Жамбылгипс» АҚ вице-президенті Болат Таласбаев.

Б. Таласбаевтың айтуынша, жаңа цехтарды іске қосу арқылы кәсіпорынның өндірістік қуаттылығы 5 есе артады. Толығымен автоматтандырылған өндіріс жоғары экологиялық талаптарға сай келеді. Оның үстіне еуропалық құралдарды пайдалану өнімнің бағасы бүгінгі құнынан айтарлықтай арзан болады.

Кәсіпорын басшылығы жаңа өндірісті бір жылдан кейін іске қоспақшы. Жобаны қаржыландыру жалғыз акционерлік қоғамның қаржысы есебінен ғана жүргізіліп жатқан жоқ. Оны жүзеге асыру аясында «БЖК-2020» бағдарламасы бойынша 300 млн теңге және Ұлттық қордан 600 млн теңге тартылды.