Б.Әбдрасилов: Мемлекеттік басқару академиясында мемқызметті жетілдіру саласында 63 ғылыми-зерттеу жобасы жүзеге асуда (Фото)

2 Қыркүйек, 2015 15:08

2015 жылы Академияға 236 докторант пен магистрант оқуға түскен, олардың арасында – «А» корпусының өкілдері, ҚР Президенті Әкімшілігінің қызметкерлері, орталық мемлекеттік органдардың комитеттері, департаменттерінің басшылары, жергілікті билік органдарының басқарма басшылары бар, деді ҚР Президенті жанындағы Мемлекеттік басқару академиясының ректоры Болатбек Әбдірасилов 2015–2016 оқу жылының басталуына арналған салтанатты жиналыс барысында.

Академия тарихында алғаш рет Өңірлік хабқа мүше елдердің мемлекеттік қызметшілері үшін ҚР Президентінің білім гранттары бағдарламасы, Х.Зайдель қорының және БҰҰДБ гранттары бойынша Тәжікстаннан, Ауғанстаннан, Әзербайжаннан және Қырғыз Республикасынан 17 мемлекеттік қызметші оқуға түсті.

Б. Абдрасилов профессор-оқытушылар құрамының жоғары біліктілігі мен үлкен кәсіби әлеуетін және тәжірибеге бағытталған ғылыми зерттеулерді іске асырудағы жетістіктерін ерекше атап өтті.

2012 жылдан бастап Академияда жүргізіліп жатқан реформалар аясында мемлекеттік қызметті жетілдіру саласында, сондай-ақ мемлекеттік қызметтегі жобалар мен талант-менеджментті басқару бойынша 63 ғылыми-зерттеу жобасы іске асырылуда.

Академиядағы жетістіктер мен табыстар әлемде жоғары бағаланып отырғанын атап өткіміз келеді. Соңғы 3 жылда Академия мемлекеттік басқару саласындағы Америка мемлекеттік басқару жөніндегі қоғам (ASPA), Еуропадағы мемлекеттік басқару институттары мен мектептерінің желісі NISPAsee (Словакия), Мемлекеттік басқару мектептері мен институттарының халықаралық қауымдастығы (IASIA) сияқты жетекші халықаралық ұйымдарға мүше ретінде қабылданды. Жақын арада, ағымдағы жылдың шілде айында Париждегі ОЭСР штаб-пәтерінде Академияны ОЭСР жанындағы Мемлекеттік басқару мектептерінің желісіне қосу туралы шешім қабылданды.

Сөзінің соңында ректор Б. Абдрасилов Академияның 2015–2016 оқу жылына арналған қызметінің негізгі басымдықтарын айтып берді, атап айтқанда құзыреттілік тәсілдеріне негізделген жаңа оқу бағдарламаларын әзірлеу, оқу бағдарламасына қазіргі оқыту әдістерін енгізу, оқу процесін жетілдіру және жетекші шетелдік орталықтармен тәжірибе алмасу, мемлекеттік қызметшілерді қашықтықтан оқыту, ағылшын тілінде оқытылатын пәндердің тізбесін кеңейту, мемлекеттік тілде ұйымдастырылатын біліктілікті арттыру семинарларының санын көбейту.

Сонымен бірге, магистратура мен докторантураға іріктеудің IELTS, GMAT, GRE емтихандары сияқты халықаралық дәрежедегі танымал әдістерін енгізу арқылы Академияға білім алушыларды іріктеу процесін жетілдіру жұмыстары жалғасады.

Барлық жаңалықтар