Электронды үкімет порталында 4,2 млн-ға жуық пайдаланушы тіркелген - ДСӘДМ

2 Қыркүйек, 2015 13:11

2015 жылдың алғашқы 6 айында электронды үкіметтің порталына шамамен 4,2 млн пайдаланушы тіркелді, деп хабарлады Қазақстан Республикасы денсаулық сақтау және әлеуметтік даму министрі Тамара Дүйсенова "Әлеуметтiк қамсыздандырудың мақсаттарына жетудегi АКТ саласының стандарттары мен бiрыңғай шешiмдерiн қабылдау жолдары" атты халықаралық конференциясы барысында.

«Электронды үкімет мелекеттік органдардың ақпараттық жүйесін онлайн режимінде біріктіреді. Порталда әр қазақстандық кез-келген уақытта өтініш беруге, анықтама алуға және 215-тен астам электронды қызметті пайдалана алады. Тек ағымдағы жылдың алғашқы жарты жылдығында электронды үкіметтің порталына шамамен 4,2 млн пайдаланушы тіркелді. Бұл Қазақстан халқының 30%-нан да көп, бұл 2010 жылмен салыстырғанда 62 есе артық», - деп мәлімдеді министр.

Сонымен қатар, ДСӘДМ басшысы хабарлағандай, электронды үкімет аясында 105 млн қызмет көрсетілді, министрдің айтуынша, 2010 жылмен салысырғанда 66 есе көп.

Естеріңізге сала кетейік, Астанада "Әлеуметтiк қамсыздандырудың мақсаттарына жетудегi АКТ саласының стандарттары мен бiрыңғай шешiмдерiн қабылдау жолдары" атты халықаралық конференциясы өз жұмысын бастады. Оған Дүниежүзiлiк банктiң, Халықаралық еңбек ұйымының өкiлдерi мен жеке компаниялардың қызметкерлерi қатысуда.

Индира Кауметова

Барлық жаңалықтар