ҚР Парламентінің Мәжілісі 45 заңжобасын жұмысқа алды

2 Қыркүйек, 2015 12:36

ҚР Парламенті Мәжілісінің V шақырылымының бесінші сессиясының бірінші пленарлы отырысында жұмысқа 45 заңжобасы қабылданды. Оның ішінде жергілікті полиция қызметі мәселелері бойынша, ҚР мемлекеттік қызмет туралы, ҚР мен Венгрия арасында қылмыстық істер бойныша өзара көмектесу туралы келісімді ратификациялау туралы заң жобалары және т.б. бар.

Бұл ұсынысты ҚР Мәжілісінің депутаты, халықаралық істер, қорғаныс пен қауіпсіздік комитетінің төрағасы Виктор Рогалев жасады.

Сонымен, алғаш болып ҚР Парламенті «ҚР мемлекеттік рәміздері туралы» ҚР Конституциялық заңына өзгертулер мен толықтырулар енгізу туралы» ҚР Конституциялық заңының жобасы бойынша қорытынды даярлау туралы» заңжобасын жұмысқа алды.

«Бұл заңжобасы Ұлт жоспарымен тығыз байланысты, онда мемлекеттік туды пайдалану бойынша жан-жақты түсініктеме берілген. Комитет аталмыш заңжобасы бойныша қорытындыны 7 қыркүйекке дейін беруге дайын», - деді В.Рогалев.

Жалпы, ҚР Парламенті Мәжілісінің V шақырылымының бесінші сессиясының бірінші пленарлы отырысында жұмысқа 45 заңжобасы қабылданды. Оның ішінде жергілікті полиция қызметі мәселелері бойынша, ҚР мемлекеттік қызмет туралы, ҚР мен Венгрия арасында қылмыстық істер бойныша өзара көмектесу туралы келісімді ратификациялау туралы заң жобалары және т.б. бар.

Ботагөз Айтжанова

Барлық жаңалықтар