Қоғамдық сот туралы заң жобалары азаматтарға меморгандардың шешім қабылдауына қатысуға мүмкіндік береді
Қоғамдық сотқа байланысты заң жобалары азаматтарға меморгандардың шешім қабылдауына қатысуға мүмкіндік береді.
Р.Мұқашевтың айтуынша, «Қоғамдық кеңестер туралы» ҚР заң жобасы мемлекетті органдар мен әкімдіктер жанындағы қоғамдық кеңестердің рөлін арттыра түседі.
«Жобаның мақсаты құқықтық мәртебенің қалыптасуы мен ұйымдар кеңесін қалыптастыруды нығайтуға бағытталған. Заң жобасы халық пен мемлекет алдындағы есепті қалыптастыру бойынша саясаттың жүзеге асуын қарастырады. Қоғамдық институттар мен азаматтардың барлық деңгейдегі мемлекеттік органдардың шешім қабылдауына қатысуын қамтамасыз етеді», - деді Р.Мұқашев.
Сондай-ақ, қоғамдық кеңестер құзыреттілігінің республикалық және жергілікті мемлекеттік басқару деңгейінде бекітілуі қарастырылуда.
«Бюджеттік кодекс аясында бюджеттік қарым-қатынас саласында қоғамдық кеңестердің құзыретін нақтылау мәселесі ұсынылуда. Адам бостандығы мен қоғамдағы азаматтардың міндеті туралы нормативтік-құқықтық акт жобаларын қоғамдық кеңеске талқылау мен ұсыныс алу үшін бағыттау мәселесі қаралуда», - деді ол.
Сондай-ақ, жергілікті мемлекеттік басқару заңына жаңа бап енгізіледі, ол облыс мәслихаттары мен республикалық маңызы бар қалалармен бірлесіп әзірленетін қоғамдық кеңестің нормалары туралы болмақ.
