Жыл басынан бері елордада 12 118 жаңа жұмыс орны ашылды
2 Қыркүйек, 2015 13:47
Астана қаласында ағымдағы жыл басынан бері 12 118 жаңа жұмыс орны ашылды, деп хабарлады астаналық әкімдіктің жұмыспен қамту орталығы.
Соның ішінде: өнеркәсіп саласында – 958, көтерме және бөлшек сауда, авто және мотоциклдер жөңдеу саласында – 2 850, көлік және қоймалау саласында – 794, білім саласында – 1 460, денсаулық сақтау және әлеуметтік қызметтер саласында – 669, құрылыс саласында – 1 840 және 3 547 – экономикалық қызметтің басқа түрлері.
Сонымен қатар, ағымдағы жылдың 8 ай қорытындысы бойынша Астана қаласы әкімдігінің Жұмыспен қамту орталығымен 3 793 адам жұмысқа орналастырылды.Жастар тәжірибесінен өтуге 501 түлек және жаңа мамандық меңгеру мақсатында 465 адам қайта даярлануға бағытталды.Сондай-ақ, 113 адам әлеуметтік жұмыс орындарына орналастырылды.
