Қостанай облысының мектептерінде 99 мың оқушы үшін алғашқы қоңырау соғылды

2 Қыркүйек, 2015 08:52

1 қыркүйек күні Қостанай облысының 539 мектебінде 99 мың адамға қоңырау шалынды, деп хабарлады әкімдікте.

Білім күні Қостанай облысында 12 мың бала мектеп парталарына алғаш рет отырды. Бірінші сабақта оқушыларға Елбасы Н.Назарбаевтың атынан «Менің Отаным – Қазақстан» кітабы сыйлыққа тартылды.

«Бірінші сынып оқушылары мектептегі өмір жолдарын бастайды, бұл оқиға оларды өз елінің толыққанды азаматы ретінде сезіндіріп, үлкен өмірге дайындайды. Өз ісінің маманы атанып, әр түрлі салада жұмыс істеу үшін Қазақстан үлкен мүмкіндіктер сыйлап отыр», - деді облыс әкімі Нұралы Сәдуақасов.

Аймақ басшысы айтып өткендей, жыл сайын білім беру саласына қолдау көбейіп келуде, жаңа мектептер ашылып, заманауи техникамен жабдықталуда.

«Дамыған ел атану үшін жоғары білікті мамандар қажет. Ол үшін бізде білім беру мекемелері бар, Назарбаев Зияткерлік мектебі ашылды», - деді әкім.