Э. Суханбердиева: «Менің Отаным - Қазақстан» кітабы жыл сайын бірінші сынып оқушыларына тарту етіледі

1 Қыркүйек, 2015 18:04

Қазақстанда Мемлекет басшысы Нұрсұлтан Назарбаевтың атынан «Менің Отаным - Қазақстан» кітабы жыл сайын бірінші сынып оқушыларына тарту етіледі, деп хабарлады Астана қаласы білім басқармасының басшысы Эльмира Суханбердиева дарынды балаларға арналған № 81 «Astana English School» жаңа мектеп-гимназиясының ашылуында.

«Менің Отаным - Қазақстан» - ол кітап – Президенттің, Ұлт көшбасшысының бірінші сынып оқушыларына сыйлығы. Менің ойымша бұл бүлдіршіндер үшін жақсы бастама, бірінші сыныпта оларды биік белестерді бағындыруға итермелейді. Менің ойымша бұл үлкен сыйлық және Президенттің балаларға берген өнегесі», - деді Э. Суханбердиева.

Елордалық білім басқармасының басшысы толықтырып кеткендей, бұл кітап оқулық емес, ол қосымша әдебиет ретінде шығарылған. «Кітапта еліміздің табиғаты, қалалары туралы мәлімет берілген. Сонымен қатар Отаныңды сүюді, оның тілін құрметтеуді үйретеді. Кітап бірінші сынып оқушыларына жыл сайын тарту етілетін болады», - деді Э. Суханбердиева.

Естеріңізге сала кетейік, 2015 жылы елімізде бірінші сынапқа 340 мыңға жуық бүлдіршін барды.

Индира Кауметова