• Басты
  • ОҚО-да 70 мыңға жуық бүлдіршін алғаш мектеп табалдырығын аттады (ФОТО)

ОҚО-да 70 мыңға жуық бүлдіршін алғаш мектеп табалдырығын аттады (ФОТО)

1 Қыркүйек, 2015 20:43
Оңтүстік Қазақстан облысында 70 мыңға жуық бүлдіршін бірінші сыныпқа барды.

«Облыста 18 112 оқушы ҰБТ тапсырып, олардың орташа көрсеткіш 78,8 баллды құрады. Оған қоса әрбір үшінші «Алтын белгі» иегері біздің мектептердің түлегі», - деп атап өтті өңір басшысы Бейбіт Атамқұлов.

Облыс басшысы өз сөзінде биылғы жаңа оқу жылында 70 мыңнан астам оқушы мектеп табалдырығын алғаш рет аттағалы отырғанына тоқталды. Бұл республикадағы ең жоғары көрсеткіш. «Еліміздегі ең жоғары туу көрсеткіші біздің облыста тіркеліп отыр. Тұрғындардың әл-ауқаты жылдан жылға жақсарып келе жатқаны да талассыз», - деді Б.Атамқұлов.

ОҚО жаңа оқу жылында 49 жаңа білім беру мекемесі пайдалануға берілсе, соның 22-сі бүгін, 1 қыркүйек күні ашылды.

Сондай-ақ, Б.Атамқұлов  атқарылған жұмыстардың нәтижесінде үш ауысымды мектептер саны 21-ге дейін қысқаратынына назар аударды. Ал,  46 апатты жағдайдағы мектептен бар-жоғы 17-сі қалмақ. Оған қоса биыл ОҚО-да 74 мектеп күрделі жөндеуден, 675 мектеп ағымдағы жөндеуден өткізілді. Жалпы, өңірдегі үш ауысымды және апатты жағдайдағы мектептер проблемасы 2016-2017 жылдары толығымен шешіледі деп жоспарлануда. 

Барлық жаңалықтар