• Басты
  • А.Сәрінжіпов астаналық жаңа гимназияның бірінші сынып оқушыларына Елбасының атынан сыйлық табыстады (Фото)

А.Сәрінжіпов астаналық жаңа гимназияның бірінші сынып оқушыларына Елбасының атынан сыйлық табыстады (Фото)

1 Қыркүйек, 2015 16:41
ҚР Білім және ғылым министрі Аслан Сәрінжіпов дарынды балаларға арналған № 81 «Astana English School» жаңа гимназияның ашылуында бірінші сынып оқушыларына Елбасы Нұрсұлтан Назарбаевтың атынан «Менің Отаным-Қазақстан» кітабын табыс етті.

«Бүгін Қазақстанның барлық мектептерінде бірінші сабақ «Менің Отаным-Қазақстан» тақырыбынан басталады, бұл сабақты өткізу үшін әрбір бірінші сынып оқушысы Елбасы атынан «Менің Отаным-Қазақстан» кітабын сыйлық ретінде алады, біздің мақсатымыз – елдің тұрақтылығы мен патриотизмдік сезімді көтеру», - деді А.Сәрінжіпов.

Осы жылы бірінші сыныпқа 336 мың оқушы барады.

Министр атап өткендей, бүгін ел бойынша 7,5 мың мектеп есіктерін айқара ашты. «Жаңа оқу жылы басталды, мен осы сәтті пайдаланып, барлық оқушылар мен ата-аналарды, ұстаздарды білім күнімен құттықтаймын», - деді министр.

Индира Кауметова

Суретке түсірген Азамат Әлиев

 

Барлық жаңалықтар