• Басты
  • Білім күні көкшетаулық бірінші сынып оқушылары Елбасы атынан алғашқы кітаптарына ие болды

Білім күні көкшетаулық бірінші сынып оқушылары Елбасы атынан алғашқы кітаптарына ие болды

1 Қыркүйек, 2015 18:12
Білім күні барлық көкшетаулық бірінші сынып оқушылары Елбасы Нұрсұлтан Назарбаевтың атынан «Менің Отаным-Қазақстан» кітабын алды, деп хабарлады Ақмола облысы ішкі саясат жанындағы «Ақмола медиа орталығы».

«Тұңғыш рет Елбасы Нұрсұлтан Назарбаевтың атынан барлық бірінші сынып оқушылары «Менің Отаным-Қазақстан» кітабына ие болды. Кітаптың ішінде Елбасы әрбір қазақстандық бірінші сынып оқушысына арнаған құттықттау сөзі орын алған», - делінген хабарламада.

Айта кетерлігі, кітап ҚР Мемлекеттік рәміздері туралы, «Мәңгілік ел» идеясы туралы сыр шертеді.

Кішкентай оқушыларға арналып  Қазақстан картасы бейнеленген, кітап беттерінде Астана және Алматы қалалары туралы, сондай-ақ, елдің  әрбір қаласы туралы мәлімет берілген. Сонымен қатар, кітапта Қазақстанның мақтанышы – Байқоңыр ғарыш айлағы туралы жазылған. Тағы бір бөлім Қазақ хандығының 550 жылдығы мен қазақ халқының зиялыларына арналған.

Ақмола облысында 1 қыркүйек күні бірінші сыныпқа 2 мың 739 бала барды.

 

Барлық жаңалықтар