Астана әкімдігі базардағы бағаны бақылау мақсатында сауда нысандарымен 50-ге жуық меморандумдарға қол қойды

1 Қыркүйек, 2015 15:49

Астана әкімдігі сауда нысандарымен базардағы бағаны бақылау мақсатында 50-ге жуық меморандумдарға қол қойды, оның аясында қосылатын сауда құны өнімнің түріне қарай 10-15%-дан аспауы керек, деп хабарлады Астана қаласы әкімінің орынбасары Андрей Лукин ОКҚ-дағы баспасөз конференциясында.

«Негізгі азық түлік түрлерінің бөлшек бағасын тұрақтандыру мақсатында әкімдіктер мына шараларды қолға алуда. Ауыл шаруашылығы министрлігімен бірлесіп ағымдағы жылдың қатарынан бастап қазан айына дейін мемлекеттік резервтен Астананың бидай өңдеу кәсіпорындарына бекітілген баға бойынша азық-түлік бидайын жеткізу бойынша бағдарлама жүзеге асырылуда. Ағымдағы жылы аталмыш бағдарламаға «Цесна Астық» Концерні» АҚ мен «Табыс 2009» ЖШС қатысуда», - деді А.Лукин ОКҚ-да.

Осы ретте, әкімнің орынбасары атап өткендей, Астана әкімдігі сауда нысандарымен базардағы бағаны бақылау мақсатында бірқатар меморандумдарға қол қойды.

«Ағымдағы жылы аталмыш меморандумға 25 сауда кәсіпорындары қол қойды, олар сауда желілері мен әмбебап дүкендер. Қосылатын сауда құны өнімнің түріне қарай 10-15% шамасында болады. Бұдан басқа, Ақмола облысының 23 ірі тауар өндірушілерімен, Қазақстан құс шаруашылығы қауымдастығымен бағаны негізсіз өсірмеу туралы меморандумға қол қойылды», - деп толықтырды ол.

А.Лукин атап өткендей, меморандум шарттарының сақталуын тексеру мақсатында сауда нысандарындағы бөлшек сауда бағамына мониторинг жүргізілуде.

Анар Тәңірқұлова