Астанада 15 түрлі әлеуметтік маңызды азық-түлік өнімдері бойынша бағаның өсуі байқалмады
«2015 жылдың 1 тамызындағы жағдай бойынша Астанада инфляция деңгейі 101,4% құрады, оның ішінде азық түлік өнімдеріне 102%. Жыл басына бері, статистика органдарының мәліметіне сәйкес кейбір тауарлардың бағасы жалпы алғанда 10%-ға жуық шамада артты, ал әлеуметік маңызды тауарлар құны орташа есеппен 5%-ға өсті. ҚР Үкіметі бекіткен бөлшек бағасының мөлшеріне сәйкес ағымдағы жылдың үшінші тоқсанында Астанада 18 тауар түрлерінің құны артты, шамамен 5-тен 10%-ға дейін. Қалған әлеуметтік маңызды 15 түрлі азық-түлік өнімдері бойынша баға өсімі байқалмады», - деді А.Лукин.
Осы ретте, оның айтуынша, көкөністер мен сүт, ет өнімдерінің бағасы шамалы артқан, бұл маусымдық сипатқа ие.
«Өзгеде әлеуметтік маңызды тауарлардың бағасының артуына өндірушілердің өткізу бағасын көтеруі себеп болған. Негізі шикізат құны теңгенің еркін бағам айналымына жіберілуіне байланысты артқан. Жалпы, көкеністер мен сүт, ет өнімдерінің бағасының шамалы артуы маусымдық сипатқа ие», - деп атап өтті ол.
Анар Тәңірқұлова
