Қазақстан ғарышкері А.Айымбетов ХҒС -да «Дастархан-6» тәжірибесін өткізеді

А.Айымбетов Халықаралық ғарыш станциясында Қазақ тамақтану академиясының тапсырмасы бойынша «Дастархан-6» тәжірибесін қалай жүзеге асыратыны туралы айтып берді.

«Дастархан-6» тәжірибесіне қазақ ұлттық асханасының барлық ас түрлері енгізілген. Олар Қазақ тамақтану академиясы жасақталған, түрлі қажетті дәрумендермен байытылған, имунитет пен жұмысқа деген қабілеттілікті арттыратын арнайы сұйытылған тамақ түрлері», - деді А.Айымбетов.

Оның айтуынша, ғарыштық ас мәзіріне харчо сорпасы, ұнтақталған қымыз, құрт, ірімшік және тәтті тоқаш кіреді.

«Бұл азық түлік өнімдері тек ғарыштық тамақтану үшін ғана емес, сонымен қатар түрлі тәжрибелер барысында пайдалану үшін жасалды», - деді ғарышкер.

Естеріңізге сала кетейік, мемлекеттік комиссия «Байқоңырда» «Союз ТМА-18М» ұшырылатын кеме экипажының құрамына қазақстандық ғарышкер Айдын Айымбетовты бекітті.