• Басты
  • Мемлекет басшысы бірінші сынып оқушылары мен студенттерді Білім күнімен құттықтады

Мемлекет басшысы бірінші сынып оқушылары мен студенттерді Білім күнімен құттықтады

1 Қыркүйек, 2015 13:39
Мемлекет басшысы Нұрсұлтан Назарбаев Бейжіңдегі баспасөз конференциясында бірінші сынып оқушылары мен студенттерді Білім күнімен құттықтады.

«Барлық мектеп оқушыларын, студенттер мен олардың ата-аналарын Білім күнімен құттықтаймын. Қазақстанның 7,5 мың мектебі 2 млн 600 мың бала үшін есігін айқара ашады. Ең қызықтысы, ағымдағы жылы алғаш мектеп табалдырығын 300 мыңнан астам бүлдіршін атталағы тұр. Осыншама баланың бірінші сыныпқа баруы алғаш рет орын алуда. Осы жылдар аралығында біз белсенді түрде мектептер мен балабақшаларды салдық. Бүгін бірінші сыныпқа барғандар 2050 жылы Қазақстан экономикасының барлық салаларында жұмыс істейтін болады», - деді Елбасы.

Естеріңізге сала кетейік, Білім күні еліміздің барлық бірінші сынып оқушыларына ҚР Президенті Нұрсұлтан Назарбаевтың арнайы сыйлығы «Менің Отаным - Қазақстан» кітабы тарту етіледі. Онда Қазақстанның картасы бейнеленген және еліміздің аймақтары, табиғаты мен климаттық жағдайы, табиғаты ең әсем жерлері туралы жан-жақты мәліметтер берілген. 

Барлық жаңалықтар