Н.Назарбаев пен «CITIC Group» басшысы бірлескен инвестициялық жобаларды жүзеге асыру мәселесін талқылады
31 Тамыз, 2015 10:01
Мемлекет басшысы Нұрсұлтан Назарбаев ҚХР-ға жұмыс сапары аясында «CITIC Group» Корпорациясы Директорлар кеңесінің төрағасы Чан Чжэнминмен кездесті, деп хабарлады Ақорданың баспасөз қызметі.
Кездесу барысында бірлескен инвестициялық жобаларды жүзеге асыру, сондай-ақ Қазақстанның «Нұрлы жол» бағдарламасы аясындағы инфрақұрылымдық дамуына компанияның қатысуы мәселелері талқыланды.
Мемлекет басшысы "СИТИК Групп" корпорациясы мен Қазақстанның жақсы ынтымақтастық тарихы бар екенін атап өтті.
«Біз бірлесіп жұмыс істеген жылдары мол тәжірибе жинадық. Компания Қазақстанның нарығындағы қызметі кезінде оң нәтижелерге жетті. Қазір жаңа заман келе жатыр, жаңа жобалар мен міндеттер туындауда, – деді Нұрсұлтан Назарбаев».
Өз кензегінде Чан Чжэнмин компанияға көп жылдар қолдау көрсеткені және елде шетелдік инвесторларға қолайлы жағдай жасағаны үшін Мемлекет басшысына алғыс айтты.
