Жамбыл облысында жаңа ауыл мектебі ашылды (ФОТО)
31 Тамыз, 2015 13:29
Жаңа оқу жылы қарсаңында Жамбыл облысының Қордай ауданы, Қордай ауылында жаңа мектеп оқушыларға есігін ашты, деп хабарлады облыстық ішкі саясат басқармасы.
Сән-салтанаты жарасқан 3 қабатты 300 орындық №6 білім ордасының ашылу рәсіміне облыс әкімінің орынбасары Ерқанат Манжуев, Қордай ауданы әкімі Қайрат Досаев қатысты. Е.Манжуов қордайлықтар мен оқушыларды жаңа мектеппен құттықтап, жаңа оқу жылында табыстар тілеп, Жамбыл облысы әкімі Кәрім Көкрекбаевтың атынан бағалы сыйлығын табыс етті.
«Мектепте үлкен спорт зал, кең асхана мен акт залы бар. Бұдан басқа, 2 лингофонды, 2 информатика және 1 мултимедия кабинеттерімен жабдықталған, жалпы айтқанда соңғы үлгідегі барша заманауи техника және өзге де қажеттілердің барлығымен қамтылған», - делінген хабарламада.
Айта кетерлік жайт, мектеп 1 қыркүйекте оқушыларды қабылдауға сақадай сай.
