Сарапшы: Конституциализм тарихы Қазақ хандығының құрылуымен тығыз байланысты (ВИДЕО)

1 Қыркүйек, 2015 15:32

Конституциализм тарихының тамыры тереңде, ол 1465 жылы құрылған Қазақ хандығымен тығыз байланысты, деп хабарлады ҚР Ұлттық музейінің ғылыми қызметкері, «Қазақ құқығының тарихы» көрмесінің ұйымдастырушысы Тоғжан Әділбекова «Strategy2050.kz»АА берген эксклюзивті сұхбатында.

ҚР Ұлттық музейінде Қазақ хандығының 550 жылдығына және Қазақстан халқы Ассамблеясының 20 жылдығына арналған «Қазақ құқығының тарихы» көрмесі ұйымдастырылды.

«Қазақ құқығының тарихы» көрмесі ұлттық музей аясында өткізіліп жатыр. Конституциализм тарихының тамыры тереңде, ол 1465 жылы құрылған Қазақ хандығымен тығыз байланысты. Жалпы, «Қазақ құқығының тарихы» көрмесі оның дамуының негізгі кезеңдерін бақылауға мүмкіндік береді, атап айтқанда «Қасымханның қасқа жолынан» бастап «Есімханның ескі жолы», «Тәуке ханның Жеті жарғысы», 1995 жылы қабылданған ҚР Конституциясына дейін», - деп ағынан жарылды ҚР Ұлттық музейінің ғылыми қызметкері, көрме ұйымдастырушысы Тоғжан Әділбекова.

Сонымен қатар ұйымдастырушы толықтырып кеткендей, Қазақстанның алғашқы конституциялық нормалары Қазақтардың ІІ съезінде жасақталды, ол 1917 жылы 5-13 желтоқсанда Орынборда өткен еді. Онда Алаш автономиясы құрылған болатын

Көрме экспозициясында хан билігінің атрибуттары, 1937, 1978, 1993 және 1995 жылғы Конституциялар ұсынылды.

Ботагөз Айтжанова