• Басты
  • Cербия Президенті Т.Николич ҚР Мәжіліс төрағасымен кездесті
29 Тамыз, 2015 14:09

Cербия Президенті Т.Николич ҚР Мәжіліс төрағасымен кездесті

ҚР Парламенті Мәжілісінің Төрағасы Қабиболла Жақыпов елімізге тұңғыш рет ресми сапармен келген Сербия Президенті Томислав Николичпен кездесті, деп хабарлады Мәжілістің баспасөз қызметі.
Cербия Президенті Т.Николич ҚР Мәжіліс төрағасымен кездесті

Тараптар қазақстандық-сербиялық көпқырлы ынтымақтастықты дамытудың өзекті мәселелерін талқылады.

Мәжіліс Спикері Сербия Қазақстанның оңтүстік-шығыс еуропадағы келешек және маңызды әріптестерінің бірі екенін алға тарта келіп, бүгінде екі мемлекет арасында қалыптасқан сенімді әрі сындарлы үнқатысудың жыл сайын қанат жайып келе жатқанын атап өтті.  Оған мәртебелі мейманның Елбасымен кездесуі барысында қол жеткізілген келіссөздер дәлел деуге болады.

Сондықтан, біздің елдеріміз арасында ықпалдастықты одан әрі дамытудың, соның ішінде сауда-экономикалық байланысты нығайтудың әлеуеті зор.

Қ. Жақыповтың айтуынша, әсіресе, көлік, құрылыс, ауылшаруашылығы, азық-түлік өнеркәсібі мен туризм салалары екіжақты қатынасты кеңейтудің басым бағыттары болып табылады.

Осы ретте Мәжіліс Төрағасы іскерлік климатты жақсартып, инвестициялық тартымдылықты арттыру мақсатында елімізде қабылданып жатқан заңдардың маңыздылығына тоқталды.

Кездесу иелері халықаралық күн тәртібіндегі мәселелерге де айрықша көңіл бөлді. Мәжіліс Төрағасы мәртебелі мейманды Қазақстанның Дүниежүзілік сауда ұйымына енуіне қатысты келіссөздердің аяқталғандығынан хабардар ете келіп, Сербия Президентіне «ЭКСПО-2017» көрмесін Астанада өткізу құқығына ие болуға қолдау көрсеткені үшін өз алғысын білдірді және сербиялық компанияларды осы көрмеге белсене қатысуға шақырды. 

Өз кезегінде Сербия Президенті халықаралық әріптестіктің қажеттілігіне тоқтала келіп, 2017-2018 жылдары БҰҰ Қауіпсіздік Кеңесінің тұрақты емес мүшелігіне Қазақстанның кандидатурасын қолдайтынтығын жеткізді.

 Томислав Николич тәуелсіздіктің бар ауыртпалығын еңсерген біздің еліміздің қарқынды дамуына тәнті болғанын айтты. Сондай-ақ, барша қазақстандықтарды Ата Заңның 20 жылдық мерейтойымен құттықтады. 

Жүздесу барысында парламентаралық байланысты тереңдету сұрақтары да назардан тыс қалмады.

Осы мақсатта Парламент Мәжілісінде Сербиямен ынтымақтастық және достық тобын құру жоспарланып отыр. Сербияда бұл топты Қазақстанның аталған елдегі құрметті консулы Миланка Карич басқарады. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды