• Басты
  • Мемхатшы Г.Әбдіқалықова Дүниежүзілік конференцияға қатысушыларды «EXPO-2017» мамандандырылған көрмесіне атсалысуға шақырды
29 Тамыз, 2015 13:18

Мемхатшы Г.Әбдіқалықова Дүниежүзілік конференцияға қатысушыларды «EXPO-2017» мамандандырылған көрмесіне атсалысуға шақырды

Қазақстан Республикасының Мемлекеттік хатшысы Гүлшара Әбдіқалықова әйелдерге арналған «WAW! Tokyo 2015» атты бүкіләлемдік конференцияда баяндама жасады, деп хабарлады Ақорданың баспасөз қызметі.
Мемхатшы Г.Әбдіқалықова Дүниежүзілік конференцияға қатысушыларды  «EXPO-2017» мамандандырылған көрмесіне атсалысуға шақырды

Г.Әбдіқалықова Қазақстанның гендерлік мәселелерді шешу, қоғамдық-саяси, әлеуметтік-экономикалық және мәдени-гуманитарлық салаларда ерлер мен әйелдер теңдігін қамтамасыз ету ісіндегі табыстарына тоқталды. Ол әйелдерді мемлекеттік және қоғамдық басқару жұмыстарына белсенді түрде тартып келе жатқан Қазақстан Президенті Нұрсұлтан  Назарбаевтың саяси ерік-жігерін айрықша атап көрсетті.

Мемлекеттік хатшы әйелдерді экономикалық сала бойынша ілгерілету мәселелерін талқылау үшін Астана экономикалық форумын халықаралық алаң ретінде пайдалану жөнінде ұсыныс жасады.

Г.Әбдіқалықова конференцияға қатысушыларды Дүниежүзілік «EXPO-2017» мамандандырылған көрмесіне атсалысуға шақырды, сондай-ақ әйелдерге арналған, 2016 жылы Токиода өтетін келесі бүкіләлемдік конференция шеңберіндегі «Энергетик және кәсіпкер әйелдер форумының» арнаулы панельдік сессиясында «жасыл бизнесті» дамыту мәселелерін талқылауды ұсынды.

Бүкіләлемдік конференцияға қатысушылар Қазақстанмен ынтымақтастық орнату және әйелдердің қоғамдағы рөлін арттыру бағытында көпжақты диалогты ілгерілетуге мүдделілік танытты.

Сапарының екінші күні Мемлекеттік хатшы Жапонияның Сыртқы істер министрі Ф.Кишидамен де кездесті. Тараптар Қазақстан-Жапония өзара іс-қимылының барлық бағыты бойынша серіктестікті одан әрі тереңдетудің перспективаларын талқылады.

Г.Әбдіқалықова Орталық Азияның барлық елдері үшін ортақ проблемаларды шешу ісіне жәрдемдесуге бағытталған Жапония саясатына ризашылық білдіріп, 2015 жылғы ақпанда Жапонияда қабылданған Дамуға ресми көмектің (ДРК) жаңа жарғысы Қазақстан мен Жапония арасындағы ынтымақтастық аясын кеңейтудің мол мүмкіндіктеріне жол ашатынын атап өтті.    

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды