• Басты
  • Қ.Жақыпов ҚР-да дипмиссиясын аяқтағалы отырған Вьетнам елшісімен кездесті
27 Тамыз, 2015 18:07

Қ.Жақыпов ҚР-да дипмиссиясын аяқтағалы отырған Вьетнам елшісімен кездесті

ҚР Парламенті Мәжілісінің Төрағасы Қабиболла Жақыпов Вьетнам Социалистік Республикасының Қазақстандағы Төтенше және Өкілетті елшісі Нгуен Ван Хоаны қабылдады, деп хабарлады Мәжілістің баспасөз қызметі.
Қ.Жақыпов ҚР-да дипмиссиясын аяқтағалы отырған Вьетнам елшісімен кездесті

Кездесу иелері Қазақстан мен Вьетнам арасындағы өзара ынтымақтастық мәселелеріне тоқталып, әсіресе, екі елдің сауда-экономикалық байланыстарын нығайтуға көңіл бөлді.  

Осы ретте тараптардың атап өткеніндей, Вьетнам Премьер-министрінің Қазақстанға сапары барысында  қол қойылған Еуразиялық Экономикалық Одақ елдері мен Вьетнам Социалистік Республикасы арасында еркін сауда аймағы туралы келісім екіжақты экономикалық ықпалдастықты одан әрі тереңдетуге серпін бермек.

Қ. Жақыпов әлемдік экономикалық дағдарыс жағдайына айрықша назар аударып, оны еңсеру жолында қолға алынып жатқан шаралардың барлығы экономиканың бәсекеге қабілеттілігін арттыруға бағытталғанын айтты.  

Өз кезегінде елші экономикалық, саяси, парламентаралық, достық байланыстарды дамытудың маңыздылығына тоқталып, алдағы уақытта Вьетнам Социалистік Республикасы Қазақстан азаматтары үшін визасыз режим енгізуді жоспарлап отырғанын атап өтті.

Қ. Жақыпов ағымдағы жылы тамыз айының соңында Қазақстандағы миссиясының аяқталатындығына орай, елшіге соңғы үш жыл ішінде қос мемлекеттің қарым-қатынасын жан-жақты дамытуға қосқан жеке үлесі үшін алғысын жеткізді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды