• Басты
  • Алматы облысында 22 қазандық жылыту маусымына әзір
27 Тамыз, 2015 17:36

Алматы облысында 22 қазандық жылыту маусымына әзір

Облыс әкімінің бірінші орынбасары Махаббат Бигелдиев жылыту маусымына дайындық мәселесі жөнінде штаб отырысын өткізді, деп хабарлады облыс әкімдігі.
Алматы облысында 22 қазандық жылыту маусымына әзір

Негізгі баяндаманы облыстық энергетика және тұрғын үй коммуналдық шаруашылығы басқармасының басшысы Бағлан Тәнекенов жасады. Оның айтуынша, жылыту маусымын өткізуге дайындық барысында қазандықтар, жылу желілері жөнделіп, қажетті отын мен құрылғылар сатып алынуда. Бүгінгі күнге облыстағы 28 қазандықтың 22-сі, 40 шақырым жылу жүйесінің 33 шақырымы, 13800 шақырым электр желілерінің 11500 шақырымы жылыту маусымына дайын. Бүгінгі күнге жеке сектордың қатты отын тұтынуына қажетті көлемнің 70 пайызы қоймаларда бар.

Мұнан соң Сарқан ауданы әкімінің орынбасары Марат Разбеков, «Қапшағайжылу» кәсіпорнының директоры Сейдахмет Даданбеков, «Қазмырыш-Текелі» ЖШС директоры Валерий Тарлавин, «Талдықорғанжылусервис» кәсіпорнының директоры Манархан Ахымбеков сөз алып, жылыту маусымына дайындық және қолдауды қажет ететін мәселелер туралы баяндады.

Мінбеге көтерілген азаматтардың хабарламалары мен проблемаларын тыңдай келе, облыс әкімінің бірінші орынбасары Махаббат Бигелдиев қатысушыларға бірқатар тапсырмалар жүктеді.

«Сарқан ауданында салынған жаңа қазандықты іске қосуға байланысты экономикалық негіздеме құжаттарын сауатты дайындап өткізу, кадрлық, техникалық дайындығын пысықтау қажет. Әр сала басшысы аудан, қалаларда өздеріне тиісті мекемелердің жылу маусымына дайындығын қатаң бақылауға алсын, түйінді мәселелер болса жасырмай айтып, дер кезінде шешілуіне көңіл аударыңыздар. «Нұрлы жол» бағдарламасымен қолға алынып отырған алты жобаның жүзеге асырылуы назарда болуы тиіс. Сондай-ақ дебиторлық қарызды қайтару бағытында тыңғылықты жұмыс істеңіздер. Мекемелерге сұйық отын уақытылы жеткізілуі және жеткізілген отынның төлемі дер кезінде жасалуы қажет. Жалпы жылыту маусымына дайындық енжар, сылбыр жұмыс істеуді көтермейді» - деді М. Бигелдиев қорытынды сөзінде.  

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды