Астананың ювеналды сотында білім саласының қызметкерлеріне сотқа дейін мәселені шешу тәжірибесі туралы айтылды

26 Тамыз, 2015 13:21

Кәмілет жасқа толмағандар арасында сот істерін азайту мақсатында Астананың ювеналды сотында «Талас – тартыстарды медиация сына баламалы әдіспен реттеу» тақырыбында дөңгелек үстел өтті. Шараға елордалық колледждердің өкілдері қатысты. Оның мақсаты білім беру жүйкіндегі қақтығыстар деңгейін төмендету.

«Бүгінгі дөңгелек үстелдің негізгі мақсаты ювеналды соттағы медиативті келісімдер туралы кеңірек айтып беру. Себебі баршамыз кәмілетке толмағандарды қорғаумен айналысамыз. Медиация – ол үшінші тұлға медиатор арқылы таласты сотқа дейін шешу», – деді сөз басында Астана қаласының кәмелетке толмағандар істері жөніндегі мамандандырылған ауданаралық сотының төрайымы Нәзилә Раззак.

Семинар барысында кәсіпқой медиаторлар білім беру саласының қызметкерлерімен бірге медиацияның мынадай мәселелерін қарастырды: таластан достасуға дейін, жасөспірімдер қылмысы, сот медиациясы – таластарды шешу кілті, білім беру саласындағы медиация, ювеналды сотта медиацияны пайдалану тәжірибесі.

Естеріңізге сала кетейік 201 жылдың 5 тамызынан бастап ҚР «Медиация туралы» заңы күшіне енді.

Ботагөз Айтжанова